مدونة :" الغريب" " The Stranger"

 أصعب حاجة انك تحاول تتقبل نسختك الجديدة زي ما هي بمميزاتها وعيوبها ، وانك تفهم ان النسخه القديمه منك مش ممكن ترجع أبدا لان ببساطه النضوج والمواقف بتصنع منك حد تاني يمكن مش أحسن من صورتك القديمه ببراءتها وساذجتها بس بتخليك واعي وفاهم اللعبه بتدور ازاي وبتديك كل المقومات عشان تقدر تدافع عن نفسك ومتسكتش عن الاذي وبتخلي ليك سلطه علي قراراتك  يمكن النسخه الجديدة مش احسن نسخه منك بس لازم تحبها لأنها جت من مواقف وتجارب حياتيه انت عشتها لوحدك ، مواقف كونت منك شخص قوي بيشغل عقله ويفهم معادن الناس ويعاملهم بعيوبهم  شخص يحط نفسه مكان غيره قبل ما يحكم على حد ، يفهم اننا بشر وبنخطيء ونصيب مش ملايكه  شخص يفهم ان محدش فينا شبه التاني وان كل واحد منا ربنا حط فيه حاجة تميزه  شخص قدر يتخطى الماضي ويعيش الحاضر ويفكر ف المستقبل  شخص حط ثقته في ربنا وفهم ان الضرر والنفع من عنده وأننا مجرد ادوات بنفذ أوامر واقدار ربنا  شخص فهم ان ربنا بيدي اللى انت محتاجه وتقدر تتحمله مش الى انت عاوزه  شخص قدر يدفع الاذي من غير ما يأذي حد او يدوس علي حد  شخص اختار نفسه مش عشان أن...