12 تمريناً من كتاب wake up and live

 يجزع البعض منا من القيود ويكرهها حتى إذا كانت مفروضة لغرض سليم لدرجة أننا نعيش بين العادة والنزوة تحت انطباع أن هذه هي الطريقة الوحيدة لنكون أحراراً لكن أرسطو قال:"الحرية تعني إطاعة قواعد يضعها المرء لنفسه."

والآن لنبدأ:
-بالتمرين 1: اقضِ ساعة كل يوم دون أن تقول أي شيء غير الإجابة عن الأسئلة المباشرة، بشرط(محدش ياخد فكرة إنك زعلان/مصدع/ومتحاولش تدي ملاحظات كتير ع الفاضي/أو تجر سؤال كمان من اللي قدامك)يعني الإجابة تكون قصيرة قدر الإمكان ووافية.
بيساعد كتير خاصة إن إحنا بنجاوب ع سؤال بعدين نكتشف إن الإجابة مش واضحة فندي إجابة تانية وتالتة ولو وصلت الفكرة ف الاجابة التالتة اللي قدامك بيكون تاه منك أساساً.
-التمرين2:اتعلم تفكر نص ساعة كل يوم في موضوع محدد، وعشان مبتدأ أبدأ بخمس دقايق وبعدين زود المدة وف الأول استخدم حاجة ملموسة زي الوردة أو أي حاجة حواليك بس متكونش قدامك بس استحضرها ف ذهنك وبعدين فكر مثلاً إزاي بتحس بحواسك الخمسة من لون وريحة وملمس ولو ليها معاني أو رموز وممكن تستخدم ورقة وقلم وبعد فترة شوف أول حاجة ايدك وقعت عليها وفكر فيها.التمرين ده له فوائد كتير زي لو أنت بتتعلم لغة جديدة فهتوصل أسرع بالطريقة دي للإحتراف، لو عندك عمل إبداعي أو مشروع ...إلخ هيساعدك جداً.
-التمرين 3: اكتب خطاباً دون استخدام كلمة أنا/لي/ أي حاجة تدل ع المتكلم (أنا عارف إنه غريب بس الكتاب اتنشر 1936 فياريت نقدر كدة بس تمارينه مفيدة) وده بيساعدك تشوف نفسك من منظور صحيح.
-تمرين4:اتكلم ربع ساعة بدون استخدام أنا/لي/متكلم.
-تمرين5:اكتب خطاباً بنبرة هادئة أو ناجحة: وغير مسموح بالكذب أو ذكر حاجات منافية للواقع أو بتدعي فيها بالنجاح ومينفعش تبان بأي شكل من الأشكال إنك محبط وأنت بتكتب(فايدة التمرين أولاً طريقة بسيطة للتحول من موقف سلبي لإيجابي صحي، ثانياً والأهم من كدة إن إرسال خطاب زي ده بيشيل عقبة كبيرة من قدامك ومن طريق نجاحك وفي أداء شؤونك لأن أيام زمان يعني الكتاب وحتى دلوقت بنبعت لصديق قد إيه محبطين ومشاكل فيقوم عما يشوف رسالتك تكون تخطيت إحباطك بس هو لسة بيبعتلك يواسيك فتشوف الرسالة فترجع تاني للإحباط وهكذا لفي بينا يا دنيا وحلقة مفرغة ليس لها نهاية ومن بؤس لبؤس)
-تمرين 6:التمرين ده مستوحى من مدارس تعليم البنات الإيتيكيت والأرستقراطية ملناش دعوة بيهم بس التمرين كالأتي: قف لبرهة على عتبة أي غرفة مليئة أشخاص وفكر للحظة بعلاقتك بالموجودين فيها(مفيد ف تقييم غرفة مليئة بالأشخاص بنظرة سريعة واكتشاف مين جواها بداعي الرفقة والاهتمامات الشخصية، مهو بردو مش هتحب تقف مع واحد غريب مفيش بينك وبينه أي اهتمام مشترك)
-التمرين 7:بعد التمرين اللي فات استخدم النصيحة دي، خلي واحد من صحابك الجدد يواصل حديثه عن نفسه من غير متسمح له يعي ويدرك كدة(مفيد ف إنك هتشوف ازاي العالم بيبص لبعضه وتوسع آفاقك وإن لو حد سألك هتعرف ترد قد إيه بالظبط واهتمام السائل اللي قدامك)
-تمرين 8: تحدث فقط عن نفسك واهتماماتك ومن غير شكوى أو تفاخر ومتزهقش اللي قدامك ع قد متقدر(مفيد جداً للأشخاص اللي بيتكلموا عن نفسهم كتير فلما بيركز بشكل واعي ع اللي بيعمله بيوضح له من لا يبالي أو زهقان أو عنده رغبة إنك تغير الموضوع وهتتخلى عن التمرين ده بعد مرة أو اتنين) في العادي إن الناس بتتكلم في الحوادث والافعال التافهة وبنضيع وقت بعض ع الفاضي وساعتها هتحتاج تضيف إثارة واهتمامات لحياتك الشخصية بدل الكلام مع الناس ع الفاضي والمليان.
-تمرين 9: إذا كان أسلوب كلامك متكلف أوي فلازم تظبطه وده هيساعدك صديقك فيه، قل لصديقك إنك هتقول كلمة(كذا) في الحوار، وكل مرة يسمعك فيها تقولها يرفع إيده دون مقاطعة وده هيخليك تدرك استخدامك ليها قد إيه وخلال مرتين تلاتة مش هتحتاج التمرين ده.
-تمرين10 :خطط لساعتين لحياتك وعيش وفقاً للخطة دي (الغرض :تلقي الأوامر مرة أخرى ونثبت لأي مدى نخسر احساسنا بالوقت لإنجاز عمل محدد خاصةً أننا نتوقع أن يستوعب الوقت كل ما نريد فعله فنقوم ضاغطين أعمال اليوم كله في ساعتين زمن وقال أحد دكاترة علم النفس أن الشخص الأناني الذي لا يرجى شفاؤه أنه بيعمل نفس الحركة أنه يضغط أعماله كلها ف ساعتين) ونتغلب عليه بالتخطيط لساعتين ثم مع مرور الوقت 4 ثم 8 وطبعاً لازم يكون تخطيط مرن،تأتي الرياح بما لا تشتهي السفن ومش دايماً تخطيطك هيمشي زي منت كاتب.
-التمرين 11: احضر قصاصات ورق واكتب تعليمات زي امشي ٥ كيلومتر أو لا تأكل ١٢ ساعة يعني تصوم أو اسهر طوال الليل واعمل وحط التعليمات في ظرف واخلطهم وكل أسبوعين أو شهر افتح ظرف و نفذ المكتوب ونفذ الامر(طالما معندكش مشكلة صحية يبقى تقوم بيه)ولو عندك شغل كتير فاكتفي بتمرين واحد في الشهر وحاول جعل تمارينك صعبة بقدر المستطاع وقابلة للأداء في نفس الوقت وتكون عكس طبيعتك.(لأن الوقوف على حدود القدرات يجعلك منتبهاً ومتحمساً للقيام بالأمر كما سنوضح في الكتاب القادم العادات الذرية  )
-تمرين 12: ده تمرين بديل لرقم 11 اللي فات وهو أنك تقول حاضر ونعم لأي طلب معقول يطلب منك وحاول تخلي التمرين يوم كامل 24ساعة وده مفيد خاصة إنك لو منزوي عن المجتمع أو خجول وبيساعدك تفهم إيه الحاجات المهمة اللي لازم تعملها من الحاجات اللي لازم ترفضها وشايف إنها بتضيع وقتك.
وهنا هنتكلم إنك لازم تحدد مواطن ضعفك عشان تعرف تركز عليها وتحسنها ولازم تكون التمارين مفيدة لأهدافك الشخصية الأصلية فالتمارين وسائل لا غايات، أنت مش غايتك تكون ذكي بس كمان تشتغل بذكائك ده وتبدع بيه.
في النهاية هنقولك على طريقة فعالة للتخلص من العادات أو الصفات السيئة وهي إتباع طريقة بنجامين فرانكلين وهي إنه كتب 13 فضيلة في مفكرة أو نوتة وكتب تحت كل فضيلة مقولة زي الاعتدال:(لا تأكل حد البلادة ولا تشرب حد الثمالة)، الصمت:(لا تتحدث إلا بما قد يفيد الآخرين أو نفسك، تجنب الأحاديث التافهة) وهكذا مع التصميم والنظام والاقتصاد في النفقات زي مهو مبين في الجدول التالي:-

وعند ملء أي مربع بمعنى أنك لوتخطيت العادة المسببة للمشاكل يمكنك استبدالها بغيرها من الصفات ويمكنك وصف صفات من عندك كالعمل أكثر أو الشجاعة إن كنت خجولا أو اتخاذ القرارات إن كنت تأخذ وقتاً طويلا أو الوجبات أو التحدث أو النوم.

وفي النهاية نطلب منك متابعة مدونتنا لتستفيد من كل جديد