حصريا في مصر

بواسطة -

 صراحه هي الحاجات اللى هقولها دلوقتى لو تدل علي حاجة .. تدل ع ان مصر بأهلها حاجة كداا غريبة .. شعب حير كل شعوب الدنيا لانه بيعمل حاجات صراحه متخطرش ع البال

شعب غريب وتصرفاته أغرب منه
- مصر مثلا هي البلد الوحيدة اللى الناس عندها استعداد تموت نص قرايبها عشان تاخد اجازة من شغلها
اللى هو ابويا مات عاوز اجازة .. بعده امي ماتت عاوز اجازة ..  بعده صباعي الصغير مدحوس عاوز اجازة
اللى هو البيت وقع ع عيلتي عاوز اجازة
المشكلة ان المدير بيتعاطف في الوقت ده اللى هو نفسك ترد في سرك وتقول هو لازم افقد أفراد عيلتي عشان اخد اجازة
مينفعش اخد اجازة لمجرد اني عاوز اخدها وكتير بيجي في بالي مشهد الأفلام اللى هو البطل يتصل علي مديره ويقوله انا هاخد اجازة يومين عادي ويرد المدير بكل سلام نفسي ماشي يا حبيبي انجوي
اللى هو نعم ..لاء اكيد المسلسل ده مش مصري
في مصر هيرد المدير بكل استفزاز اجازتك كترت يا باشا اللى هو انت بترد في مخك نعم يا روح امك انا مخدتش غير يوم واحد طول السنة
بس طبعا هترد بكل أدب معلش ظروف
اللى هو مينفعش اخدها من غير ما اتنيل اكدب
لاء اكدب تخدها عادي .. خليك صادق تبقي بتستبهل
-مصر البلد الوحيدة اللى البنات فيها ع قفا من يشيل وان البنت مكتوب علي قفاها تاريخ صلاحية لحد التلاتين
بعدها تتحط رف تاني وتتعامل كأنها خردة تتباع بسعر رخيص
كأنها مثلا ازازة دوا ولا علبة صلصله هتحمض
وتبدأ طنط حرباية تفحمها بكلامها اللى بينقط قطران
هنفرح بيكي امتى ؟ اللى هو ما انا فرحانه اهوو لازم اتجوز ؟
والحقي اتجوزي قبل التلاتين حاضر يا طنط هنزل السيل اكيد هلاقي عريس اوف وايت معمول عليه خصم
او اشتري واحد معاه واحد هديه
هخلي معايا واحد احتياطي عشان لو حد اتقطع استخدم التاني
- مصر كل ما تشتغل اكتر مديرك يحط عليك اكتر اللى هو انت طلعت منهم ده انا هوريك ايام سودا

وطول اليوم يفضل ينادي عليك بصوته اللى أقرب لصوت الغراب لحد ما يجبلك صرع ويخليك عاوز تنتحر
وتتمني تقوم تجيب سكينه وتديله في كرشه
والعكس الحلو الرايق المأنتخ لا يمكن يطلب منه حاجة اصل ده باشا .. المدير بيحمد ربنا انه نورنا في المكان وتعب نفسه وقام من ع الكرسي
حاجة كداا تجيب بقا سكر وضغط مش حرماك من حاجة اهوو
-مصر البلد الجميلة اللى بتشجعك تاخد شهادات ودكتوراه وماجستير ومحشي ورق عنب
الى هو خد ماجستير تاخد ١٠٠ جنية
بس خد دكتوراة تاخد ٢٠٠ جنية زيادة ع الراتب
وكمان هنخصم منهم ضرايب ودمغات وسلاطات وبابا غنوج
فترد تقول كل دا ليه يرد يقولك كله عشان مصر بصوت مدام نادية الجندي
اللى هو انا هصرف ع مصر من جيبي ... ده انا كحيان
-مصر البلد اللى العريس المصري الجميل بيبقي بيدور علي ملكة جمال مصر ..  بيضا وعيونها ملونة وشعرها اصفر وبتنور في الضلمه وتنط الحبل ومعاها سبعين لغة وبتطلع نار من بوقها ومعاها فلوس زي ابو هشيمه
وتيجي تبص له تلاقيه شبه الكلب الجربان مش لاقي ياكل ولا معاه شهادة ولا شغله
ده انت كحيان يا محمد
-مصر البلد الجميلة الرقيقة اللى هتلاقي زملاء العمل بيحبوا بعض  اووووي ويجاملوا بعض اووى ويخزوقوا بعض اووى .. حبايبي بيحبوا بعض لدرجة انهم بيقطعوا في فروة بعض ويتكلموا علي بعض
اللى هو الحب ولع في الدرة
-وكمان في بلدنا الحلوة زي ما الاستاذ عمرو دياب بيقول طنط الحشرية الحرباية خرابة البيوت تلاقيها بتقول انا كل مشكلتى انى طيبة
استني يا طنط اومال لو مش طيبة كنتي عملتي اي ؟
كنتي قضيتي علي البشرية وقومتي هتلر من تربته عشان يكمل الحرب العالمية التالتة
-مصر يا مؤمن البلد اللى بتدخل فيها الشغل اول يوم بتحلم بكاريرك وطموحك
وتسمع صوت العسيلي وهو بيقول هنا صدقت حلمي وبدأت
ولما حد يقولك علفكراا هتتأثر وهتبقي زيهم ترد وتقوم تقول بكل ثقة لا يمكن ابقي ازيهم
بس احب أبشرك مش هتبقي زيهم هتبقي أسوأ منهم وكل طموحك هيبقي هنجيب فطار اي النهاردة
ومش بعيد تمقعي باميه وتفرطي بسلة وتعملي محشي في اوقات العمل الرسمية
لاء وتفطر فسيخ ورنجة وبصل وبعدها تقابل كل واحد تاخده بالحضن عشان تموت نص الكوكب تقريبا
-في مصر شهادتك ملهاش معني لانك بني آدم بتشقي ٨ ساعات يوميا وتمشي ف ادغال المطر وفي عز الحر عشان تاخد راتب ميكفيش يومين
ويطلع واحد يغني بصوت شبه الغراب شيماااااء
ويلم فلوس اد مرتبك لحد ما تطلع عالمعاش في أقل من ساعة
-مصرفيها شهادات يعني زيرو ... زيرو فلوس زيرو تقدير زيرو جواز زيرو سكن زيرو صحه
لكن رقص وشيماء وتيك وتوك وحمو بيكا ملايين من كلام فاضي لا له طعم ولا لون
-مصر بتشهر الرقاصين والمغنيين والمطبلاتيه وبلاعات
التيك توك وبتنسي العلماء وحفظة القرأن ودكاترة الجامعه

.انا مش قصدي أحبط حد بكلامي ده ولا اقول ان بلدنا وحشه بالعكس كل اللى فوق دا نتاج أفكارنا واحنا اللى بنشهر الناس اللي ملهاش لازمة ... وبنمحي المجتهدين اللى بيبقوا مستنين دعم من اي حد
ولما يبصوا حواليهم يلاقوا كل الدعم رايح للناس الغلط إلى بتقدم هري وكلام فاضي ملوش اي ستين لازمة
محتوي مكانه الطبيعي صفيحه الزباله مش عقولنا إلى مضطر اقول بكل أسف انه بقي اشبه بيها 

                                                              By  

                                                     🦋 butterfly

تعليقات

إرسال تعليق

اترك تعليقا لدعمنا و أخبرنا رأيك

المشاركات الشائعة من هذه المدونة

George R.R. Martin

بواسطة -
 ### George R.R. Martin: The Genius of Modern Fantasy George R.R. Martin is one of the most prominent authors in modern fantasy literature, known especially for his renowned series **"A Song of Ice and Fire,"** which was adapted into the highly successful television series **"Game of Thrones."** This article will shed light on his life, literary works, and significant influence on both literature and screen. #### Biography George Raymond Richard Martin was born on September 20, 1948, in Bayonne, New Jersey, USA. From a young age, he showed a keen interest in writing and science fiction. He would write short stories and sell them to his neighbors and friends, igniting the spark of creativity in him at an early age. #### Literary Career Martin began his literary career by writing short stories in the 1970s. He published his first collection of short stories titled **"Nightflyers and Other Stories"** in 1980, which was well-received by critics. However, his t...
Read more »

The Cosmere Universe: A Comprehensive Overview

بواسطة -
 ### The Cosmere Universe: A Comprehensive Overview **Cosmere** is the fictional universe created by renowned author **Brandon Sanderson**, where many of his novels are set. It is not a single world, but rather a collection of interconnected planets governed by shared magical laws. The **Cosmere** is a complex, multi-layered universe, exploring profound themes such as power, religion, immortality, and cosmic order. Here is a detailed breakdown of its most significant aspects: #### 1. **The Origin of the Cosmere** The **Cosmere** was initially home to **Adonalsium**, a godlike entity with immense power. Adonalsium was shattered into 16 fragments, known as the **Shards**, each representing a specific aspect of Adonalsium's original power, such as **Preservation** or **Ruin**. These Shards now govern the various planets in the Cosmere, influencing the societies, magic systems, and cosmic balance on those planets. #### 2. **The Shards** Shards are the primary sources of magical power i...
Read more »

الأديب العظيم غابرييل غارثيا ماركيز

بواسطة -
 غابرييل غارسيا ماركيز (Gabriel García Márquez) هو كاتب وصحفي كولومبي، ويعتبر من أعظم كتاب الأدب العالمي في القرن العشرين. وُلد في 6 مارس 1927 في بلدة أراكاتاكا في كولومبيا وتوفي في 17 أبريل 2014 في المكسيك. عُرف غارسيا ماركيز بأسلوبه الأدبي الذي يمزج بين الواقع والخيال والذي يسمى بالواقعية السحرية، وهو الأسلوب الذي جعله يحظى بشعبية عالمية. ## نشأته وحياته المبكرة نشأ غارسيا ماركيز في كنف جده وجدته لأمه، اللذين لعبا دوراً كبيراً في تشكيل خياله الأدبي. كان جده يعلمه قصصاً عن الحروب والأبطال، بينما كانت جدته تقص عليه حكايات عن الخرافات والأساطير بطريقة طبيعية وساحرة، مما ساهم في خلق أسلوبه الفريد. درس الحقوق والصحافة في جامعة بوغوتا، ولكنه لم يكمل دراسته الجامعية، حيث انجذب بشكل أكبر إلى عالم الصحافة والكتابة الأدبية. ## الواقعية السحرية غارسيا ماركيز يُعتبر من أبرز ممثلي التيار الأدبي المعروف بـ"الواقعية السحرية"، وهو أسلوب يمزج بين الواقع والخيال بحيث تبدو الأحداث الخارقة للطبيعة وكأنها جزء طبيعي من الحياة اليومية. وقد كان هذا الأسلوب هو السمة البارزة في رواياته وقصصه. ## أهم...
Read more »